ట్రాక్టర్ ట్రాలీ లింక్​ ఊడి.. 30 మంది మిర్చి కూలీలకు గాయాలు

మిర్చి కూలీలతో వెళ్తున్న ట్రాక్టర్​ ట్రాలీ లింక్​​ ఊడిపోయి కూలీలు కిందపడిన ఘటన మహబూబాబాద్ జిల్లా ఆమనగల్లులో చోటుచేసుకుంది. ఈ ప్రమాదంలో 30 మంది కూలీలు గాయపడ్డారు.

మహబూబాబాద్ జిల్లా ఆమనగల్లు గ్రామశివారులో ప్రమాదం చోటుచేసుకుంది. మిర్చి కూలీలతో వెళ్తున్న ట్రాక్టర్ ట్రాలీ లింక్​​ ఊడిపోయి కూలీలు కింద పడ్డారు. ఈ ఘటనలో 30 మందికి గాయాలయ్యాయి. క్షతగాత్రులను స్థానికులు ప్రభుత్వ ఆస్పత్రికి తరలించారు.

ఆమనగల్లు నుంచి మూడు కిలోమీటర్ల దూరంలో ఉన్న గుండాలగడ్డ తండాలో మిరపకాయలు ఏరేందుకు ట్రాక్టర్​లో వెళ్తుండగా.. ట్రాక్టర్ ఇంజిన్​కు ట్రాలీకి మధ్య లింకు ఊడిపోయింది. ట్రాక్టర్ అకస్మాత్తుగా ఆగడం వల్ల ట్రాలీ ముందు డోర్ ఊడిపోయి కూలీలంతా రోడ్డుమీద పడ్డారు.

• ఇదీ చదవండి :దయచేసి వినండి... ప్రత్యేక బాదుడు కొనసాగుతుంది