KTR tweet: హైదరాబాద్లోని జూబ్లీహిల్స్ అత్యాచార ఘటన కేసులో నిందితులను వెంటనే అరెస్టు చేశామని మంత్రి కేటీఆర్ ట్విటర్ వేదికగా తెలిపారు. రెండు నెలల క్రితం జరిగిన జూబ్లీహిల్స్ అత్యాచార ఘటన వ్యవహారంలో తెలంగాణ ప్రభుత్వంపై ఇటీవ‌ల సామాజిక మాధ్యమాల్లో ట్రోలింగ్ జ‌రిగింది. దీనిపై స్పందించిన కేటీఆర్ ఈ విధంగా బదులిచ్చారు. కేసులో నిందితులను వెంటనే అరెస్టు చేశామ‌న్నారు. నిందితుల్ని జైలుకు పంపిన‌ట్లు ట్విటర్ వేదికగా మంత్రి తెలిపారు.
అయితే 45 రోజుల త‌ర్వాత హైకోర్టు వారి బెయిల్ మంజూరీ చేసిందని వెల్లడించారు. చ‌ట్ట ప్రకారం నిందితులకు శిక్షప‌డే వ‌ర‌కు త‌మ ప్రభుత్వం పోరాడుతుంద‌ని ఆయన స్పష్టం చేశారు. చట్టంలో ఎన్నో లోపాలు ఉన్నాయని వాటి అన్నింటిని సరిచేయాలని పేర్కొన్నారు. చట్టం దృష్టిలో అందరూ సమానమే అని తెలిపారు. నిందితులు చట్టం నుంచి తప్పించుకోలేరని చెప్పారు.