ప్రమాదవశాత్తు భవనంపై నుండి పడి అమ్ములు అనే మహిళ మృతి చెందిన ఘటన సికింద్రాబాద్‌లోని అల్వాల్‌లో జరిగింది. భూదేవి నగర్‌లో నివాసం ఉంటున్న అమ్ములు భవనంపైకి ఎక్కుతున్న క్రమంలో... మెట్ల వద్ద కాలుజారి కింద పడింది. తలకు తీవ్ర గాయాలు కావడంతో అక్కడికక్కడే మరణించింది.
స్థానికుల సమాచారం మేరకు ఘటనా స్థలానికి చేరుకున్న పోలీసులు ఆమె చనిపోయిన తీరును పరిశీలించారు. కేసు నమోదు చేసుకుని దర్యాప్తు ప్రారంభించారు. మృతదేహాన్ని పోస్టుమార్టం నిమిత్తం గాంధీ ఆస్పత్రికి తరలించారు.