అనుమానాస్పద స్థితిలో వివాహిత మృతి

అనుమానాస్పద స్థితిలో ఓ వివాహిత మృతి చెందిన ఘటన హైదరాబాద్ మియాపూర్ పరిధిలోని సీబీఆర్ రెసిడెన్సీలో జరిగింది. కుటుంబ సభ్యుల ఫిర్యాదుతో కేసు నమోదు చేసిన పోలీసులు దర్యాప్తు చేపట్టారు.

అనుమానాస్పద స్థితిలో కృష్ణ నివేదిత (36) అనే మహిళ ఉరివేసుకుని ఆత్మహత్యకు పాల్పడింది. ఈ ఘటన హైదరాబాద్ సీబీఆర్ రెసిడెన్సీలో జరిగింది. మృతురాలు స్థానికంగా న్యూ ఇండియా ఇన్సూరెన్స్​ కంపెనీలో అడ్మినిస్ట్రేషన్​ ఆఫీసర్​గా పని చేస్తున్నారని పోలీసులు తెలిపారు.

నివేదిత సీబీఆర్ రెసిడెన్సీలో భర్తతో కలిసి నివాసం ఉంటోంది. ఆ క్రమంలో ఈ రోజు ఇంట్లోనే ఉరి వేసుకుని ఆత్మహత్యకు పాల్పడింది. మృతురాలి ఫిర్యాదు మేరకు పోలీసులు అనుమానాస్పద మృతిగా కేసు నమోదు చేశారు. పూర్తి స్తాయితో దర్యాప్తు చేపట్టి మృతికి గల కారణాలను వెల్లడిస్తామని తెలిపారు.

ఇదీ చదవండి:'ధాన్యం కొనుగోళ్లలో రైతులకు ఇబ్బంది ఉండొద్దు'