Encounter: దంతేవాడలో ఎదురుకాల్పులు... మావోయిస్టు మృతి

10:03 November 06

మావోయిస్టులకు మరో ఎదురుదెబ్బ

మావోయిస్టులకు మరో ఎదురుదెబ్బ తగిలింది. ఛత్తీస్‌గఢ్‌లో జరిగిన ఎదురుకాల్పుల్లో రూ.5 లక్షల రివార్డు ఉన్న ఓ మావోయిస్టును పోలీసులు మట్టికరింపించారు. బుధవారం 4 గంటల సమయంలో ఛత్తీస్‌గఢ్‌లోని దంతేవాడ జిల్లాలో డీ.ఆర్.జీ పోలీసులకు, మావోయిస్టులకు ఎదురుకాల్పులు జరిగాయి. 

ఈ ఎదురు కాల్పుల్లో ఓ మావోయిస్టు మృతి చెందాడు. మృతుడు మావోయిస్టు ప్లాటున్ నంబర్ 16కు చెందిన రామ్ సూగా గుర్తించారు. రామ్​ సూపై రూ.5లక్షల రివార్డు ఉన్నట్లు పోలీసులు తెలిపారు. ఎదురుకాల్పులు జరిగిన ప్రాంతంలో 7.63 ఎం.ఎం పిస్టల్, 5 కేజీల ఐ.ఈ.డి, వైర్లు, నిత్యావసర వస్తువులను పోలీసులు స్వాధీనం చేసుకున్నారు.

ఇదీ చూడండి:మావోయిస్టులు, పోలీసులకు మధ్య ఎదురుకాల్పులు