Rajendranagar Murder Attempt : ఉన్మాది వీరంగం.. తల్లి, సోదరుడిపై ఇనుపరాడ్​తో దాడి

09:03 December 14

Rajendranagar Murder Attempt : రాజేంద్రనగర్ హైదర్‌గూడలో ఉన్మాది వీరంగం

Rajendranagar Murder Attempt : రంగారెడ్డి జిల్లా రాజేంద్రనగర్​ హైదర్​గూడలో దారుణం చోటుచేసుకుంది. అర్ధరాత్రి ఓ ఉన్మాది వీరంగం సృష్టించాడు. తల్లి, సోదరుడిపై ఇనుపరాడ్​తో దాడిచేశాడు. వారికి తీవ్రగాయాలయవ్వడం వల్ల స్థానికులు వారిని ఆస్పత్రికి తరలించారు. వారి పరిస్థితి విషమంగా ఉన్నట్లు వైద్యులు తెలిపారు.

హైదర్​గూడకు చెందిన సందీప్​రెడ్డి కుటుంబ కలహాలతో తన తమ్ముడు ప్రదీప్​రెడ్డిపై దాడి చేశాడు. అది చూసిన తల్లి స్వరూప అడ్డుకోవడానికి వచ్చింది. ఆమెపై కూడా సందీప్​రెడ్డి దాడి చేశాడు. అడ్డుకోబోయిన స్థానికులపైనా దాడికి తెగబడ్డాడు. స్థానికుల సమాచారంతో ఘటనాస్థలికి చేరుకున్న పోలీసులు సందీప్ రెడ్డిని అదుపులోకి తీసుకున్నారు. కేసు నమోదు చేసుకుని దర్యాప్తు చేస్తున్నారు.

• ఇదీ చదవండి :భార్యపై అనుమానంతో తల నరికిన భర్త