మద్యం మత్తులో గొంతు కోసుకున్నాడు..

మద్యం మత్తులో భార్యతో గొడవ పడి, మనస్తాపానికి గురైన ఓ వ్యక్తి తన గొంతును తానే కత్తితో కోసుకున్న ఘటన మేడ్చల్ జిల్లా జీడిమెట్ల పరిధిలోని కుత్బుల్లాపూర్​లో చోటుచేసుకుంది. సమాచారం అందుకున్న పోలీసులు బాధితుణ్ని ఆస్పత్రికి తరలించారు.

మేడ్చల్ జిల్లా జీడిమెట్ల పరిధిలోని కుత్బుల్లాపూర్​లో నరేశ్ అనే వ్యక్తి తన కుటుంబంతో నివాసముంటున్నాడు. గురువారం మధ్యాహ్నం మద్యం మత్తులో ఉన్న నరేశ్.. తన భార్యతో గొడవపడ్డారు.

అనంతరం మనస్తాపానికి గురై తన గొంతును తానే కత్తితో కోసుకున్నాడు. కుటుంబ సభ్యుల సమాచారంతో ఘటనాస్థలికి చేరుకున్న పోలీసులు నరేశ్​ను ఆస్పత్రికి తరలించారు. ప్రస్తుతం అతని ఆరోగ్య పరిస్థితి నిలకడగా ఉందని వైద్యులు తెలిపారు.

• ఇదీ చూడండి :చెరువులో దూకి ప్రేమజంట ఆత్మహత్య