విద్యుదాఘాతంతో పెయింటర్ మృతి

విద్యుదాఘాతంతో ఓ వ్యక్తి మృతి చెందిన ఘటన... హైదరాబాద్​ సనత్​నగర్ పోలీస్ స్టేషన్ పరిధిలో చోటుచేసుకుంది. మృతుడు ఏపీలోని శ్రీకాకుళం జిల్లాకు చెందిన వ్యక్తిగా పోలీసులు గుర్తించారు. కేసు నమోదు చేసి దర్యాప్తు చేస్తున్నట్లు తెలిపారు.

హైదరాబాద్​ సనత్​నగర్ పోలీస్​స్టేషన్ పరిధిలో ఓ వ్యక్తి విద్యుదాఘాతంతో మృతి చెందాడు. ఎలమంచిలి నరసింహ (44) అనే వ్యక్తి... కబీర్ నగర్​లోని ఓ భవనంలో పెయింటింగ్​ పనులు చేస్తున్నాడు. ఆయన మూడో అంతస్తులో పనిచేస్తుండగా విద్యుత్ తీగలు తగిలి మరణించినట్లు పోలీసులు తెలిపారు.

మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించారు. మృతుడు ఏపీలోని శ్రీకాకుళం జిల్లాకు చెందిన వ్యక్తిగా గుర్తించారు. కొన్నేళ్లుగా హైదరాబాద్​లో నివాసం ఉంటున్నాడని... అతనికి భార్య, ఇద్దరు పిల్లలు ఉన్నారని పేర్కొన్నారు.

ఇదీ చదవండి: నేతల పరస్పర విమర్శలు... బయటపడుతున్న తెరాస రహస్యాలు..!