పెట్రోల్ బంక్లో పనిచేస్తున్న మహిళపై యువకుడి చెప్పు దెబ్బ
Man attack on Woman : పెట్రోల్ బంక్లో పనిచేస్తున్న మహిళపై ద్విచక్రవాహనదారుడు దాడికి పాల్పడ్డాడు. బంకులో పెట్రోల్ కొట్టించుకోడానికి వచ్చిన వ్యక్తికి.. అక్కడ పనిచేస్తున్న మహిళకు మధ్య గొడవ జరిగింది. ఇద్దరి మధ్య మాటామాటా పెరగడంతో.. ఆ వ్యక్తి.. ఆమెపై చెప్పుతో దాడి చేశాడు. ఈ ఘటన ఏపీలోని ప్రకాశం జిల్లా వేటపాలెం మండలం రామన్నపేటలో జరిగింది. ఈ దృశ్యాలన్నీ పెట్రోల్ బంక్లో ఉన్న సీసీ కెమెరాల్లో రికార్డయ్యాయి. ప్రస్తుతం ఆ దృశ్యాలు సామాజిక మాధ్యమాల్లో వైరల్ అయ్యాయి.
పందిళ్లపల్లికి చెందిన గుత్తి శ్రీనాథ్.. తన తప్పేం లేకున్నా అసభ్యపదజాలంతో దూషించి.. తనను చెప్పుతో కొట్టి అవమానించాడని ఆ మహిళ.. పోలీసులకు ఫిర్యాదు చేసింది. కేసు నమోదు చేసుకున్న వేటపాలెం పోలీసులు దర్యాప్తు చేస్తున్నారు.