ఆన్​లైన్​ క్రికెట్​ బెట్టింగ్​ రాయుళ్లు అరెస్టు

క్రికెట్​ బెట్టింగ్​కు పాల్పడుతోన్న ఆరుగురు వ్యక్తులను మహబూబాబాద్ పోలీసులు అరెస్టు చేశారు. వారి నుంచి చరవాణులు, నగదును స్వాధీనం చేసుకున్నారు.

మహబూబాబాద్ జిల్లా కేంద్రంలో క్రికెట్ బెట్టింగ్​లకు పాల్పడుతోన్న ఆరుగురిని పోలీసులు అరెస్ట్​ చేశారు. నిందితుల నుంచి 6 చరవాణులు, రూ.60 వేల నగదును స్వాధీనం చేసుకున్నారు.

జిల్లా కేంద్రానికి చెందిన.. ఉదయ్, శ్రీను, సంప్రీత్, సాగర్, ఉమేశ్, రాంప్రసాద్​లు బెట్టింగ్​కు పాల్పడుతున్నారన్న సమాచారంతో దాడి చేసి రెడ్​ హ్యండెడ్​గా పట్టుకున్నట్లు పోలీసులు తెలిపారు. ఐపీఎల్ మ్యాచ్​లు జరుగుతోన్న నేపథ్యంలో.. యువత ఆన్​లైన్​ బెట్టింగ్​కు పాల్పడుతూ నిమిషాల్లో లక్షల రూపాయలు పోగొట్టుకుంటున్నారని ఏఎస్పీ యోగేశ్​ గౌతమ్ పేర్కొన్నారు.

సులభంగా డబ్బులు సంపాదించాలనే లక్ష్యంతో దొంగతనాలకు పాల్పడుతున్నారని వివరించారు. పిల్లలు బెట్టింగ్​ల జోలికి పోకుండా తల్లిదండ్రులు జాగ్రత్త పడాలని సూచించారు.

ఇదీ చదవండి:బ్లాక్​లో కొవిఫోర్​ విక్రయం.. నిందితులు అరెస్ట్​