Life imprisonment: బాలుడిపై హత్యాచారం కేసులో కోర్టు తీర్పు

అభం శుభం తెలియని ఏడేళ్ల బాలుడిపై లైంగిక దాడి చేసి.. హత్య చేసిన నిందితుడికి న్యాయస్థానం జీవిత ఖైదు విధించింది. ఈ ఘటన బాలాపూర్​ పీఎస్​ పరిధిలో చోటు చేసుకుంది.

కామంతో పశువులా మారిన ఓ వ్యక్తికి... అభం శుభం తెలియని బాలుడు కనిపించాడు. ఎవరు అయితే ఏముంది తన కోరిక తీరడం ముఖ్యమనుకుని... బాలునికి మాయమాటలు చెప్పాడు. కిరాణ దుకాణానికి వెళ్తున్న బాలుడికి చాక్లెట్ ఆశచూపి... అక్కడి నుంచి ఎత్తుకెళ్లాడు. బాలునిపై లైంగిక దాడి చేసి.. హత్యచేశాడు. ఈ ఘటనపై కోర్టు నిందితుడికి జీవితఖైదు విధించింది.

వివరాల్లోకి వెళ్తే..

బాలాపూర్​ పీఎస్​పరిధిలోని జల్​పల్లి న్యూహుడా కాలనీకి చెందిన ఒమర్​ బిన్​ వ్యసనాలకు అలవాటు పడి ఆకతాయిగా తిరిగేవాడు. కిరాణ దుకాణానికి వెళ్తున్న బాలుడిని అడ్డగించి... చాక్లెట్​ ఆశ చూపాడు. మెల్లిగా అక్కడి నుంచి బాలుడిని తీసుకెళ్లాడు. సమీపంలో ఉన్న నిర్మానుష్యా ప్రాంతానికి తీసుకెళ్లి... లైంగిక దాడి చేశాడు. రక్షించిమని కేకలు వేస్తున్న బాలుడిని నేలకేసి బాదాడు. ఈ ఘటనలో బాలుడు తల పగిలి తీవ్ర రక్తస్రావమై... అక్కడికక్కడే మృతి చెందాడు. బాలుడి అరుపులు విన్న చుట్టుపక్కల వాళ్లు ఘటనా స్థలానికి చేరుకున్నారు. అప్పటికే నిందితుడు అక్కడి నుంచి పారిపోయాడు.

జీవిత ఖైదు

ఈ దుర్ఘటన మే 8వ తేదీ 2019 సంత్సరంలో చోటు చేసుకుంది. తల్లిదండ్రుల ఫిర్యాదు మేరకు బాలాపూర్​ పోలీసులు కేసు నమోదు చేసుకుని... నిందితుడిని అరెస్ట్ చేశారు. రిమాండ్​కు తరలించారు. సాక్ష్యాలు, ఆధారాలతో పోలీసులు.. నిందితుడిని న్యాయస్థానం ఎదుట హాజరుపర్చారు. విచారణ పూర్తి అయిన తర్వాత రంగారెడ్డి కోర్టు ఒమర్​బిన్​ హసన్​ను నిందితుడిగా తేల్చింది. నిందితుడికి జీవితఖైదు విధించడంతో పాటు... రూ.7వేల జరిమానా విధించింది.

ఇదీ చూడండి:మహిళలపై అత్యాచారం సీరియల్ కిల్లర్‌కు జీవిత ఖైదు