Khiladi Lady Cheating: సామాజిక మాధ్యమాల వినియోగం పెరగటంతో అదే స్థాయిలో సైబర్‌ నేరాలూ పెరిగిపోతున్నాయి. కొందరు మాయలేడీలు వాట్సప్‌, ఫేస్‌బుక్‌, ఇన్‌స్టాగ్రామ్‌ వంటి సామాజిక మాధ్యమాల ద్వారా స్నేహం పేరిట తీయని మాటలతో అబ్బాయిలను వలలో వేసుకొని నగ్నంగా వీడియో చాటింగ్‌ ఉచ్చులోకి దింపుతున్నారు. ఆ తరువాత తాము డిమాండ్‌ చేసిన డబ్బులు ఇవ్వకపోతే అబ్బాయికి సంబంధించిన నగ్న చిత్రాలను, వీడియోలను ఇంటర్నెట్‌, యూట్యూబ్‌ల్లో పెడతామంటూ బెదిరింపులకు పాల్పడుతున్నారు. గచ్చిబౌలి ఠాణా పరిధిలో ఇలాంటి ఘటన చోటుచేసుకుంది.
ఇన్‌స్పెక్టర్‌ గోనె సురేష్‌ తెలిపిన వివరాల ప్రకారం.. గచ్చిబౌలిలో ఓ ప్రైవేటు బ్యాంక్‌లో పనిచేస్తున్న యువకుడు(26)కి నాలుగు రోజుల క్రితం ఇన్‌స్టాగ్రామ్‌లో ఓ ఐడీ పేరిట ఉన్న యువతితో పరిచయం ఏర్పడింది. స్నేహం పేరిట మొదట ఇద్దరి మధ్య సంభాషణ సాగింది. ఫోన్‌ నంబర్లు పంచుకొని చాటింగ్‌ మొదలు పెట్టారు. తరువాత రెండు రోజులు వాట్సప్‌ వీడియోకాల్‌లో మాట్లాడుకున్నారు. ఈ క్రమంలోనే మాయలేడీ నగ్నంగా వీడియో కాల్స్ చేసింది. తానేం తక్కువ కాదంటూ అతనూ రెచ్చిపోయాడు.