గల్ఫ్​కు పంపించలేదనే కోపంతో ఏజెంట్​పై కత్తితో దాడి

గల్ఫ్​ దేశాలకు పంపిస్తానని చెప్పి... పంపించలేదనే కోపంతో ఏజెంట్​పై ఓ వ్యక్తి కత్తితో దాడి చేశాడు. ఈ ఘటనలో ఏజెంట్​కు స్వల్ప గాయాలయ్యాయి. నిజామాబాద్​ జిల్లా ఆర్మూర్ మండలం మామిడిపల్లిలో ఈ ఘటన ఇప్పుడు కలకలం రేపుతోంది.

నిజామాబాద్ జిల్లా ఆర్మూర్ మండలం మామిడిపల్లిలో కత్తి పోట్లు కలకలం రేపాయి. నందిపేట మండలం నిఖాల్పూర్ గ్రామానికి చెందిన నర్సింహస్వామిపై స్టాలిన్ అనే వ్యక్తి దాడి చేశాడు. ఇజ్రాయెల్ పంపిస్తానని గల్ఫ్ ఏజెంట్ స్వామి... స్టాలిన్​ దగ్గర డబ్బులు తీసుకున్నాడు. పలు కారణాలతో పంపించలేక పోయిన స్వామి... డబ్బులు తిరిగి ఇచ్చేశాడు.

ఇదే విషయాన్ని మనసులో పెట్టుకున్న స్టాలిన్.. కత్తితో దాడికి పాల్పడ్డాడు. స్వామికి స్వల్ప గాయాలు కాగా.. ఆర్మూర్​లోని ఓ ప్రైవేట్ ఆస్పత్రిలో చికిత్స పొందుతున్నాడు. కేసు నమోదు చేసుకున్న పోలీసులు.. దర్యాప్తు చేస్తున్నారు.

ఇదీ చూడండి: కోడిపై మర్డర్​ కేసు.. అరెస్ట్ చేసిన పోలీసులు