అర్ధరాత్రి యువకుడి కిడ్నాప్.. పోలీసుల గాలింపు

గురువారం అర్ధరాత్రి యువకుడి కిడ్నాప్‌ జగిత్యాల మెహబూబాపురాలో కలకలం రేపింది. దుండగులు కత్తులతో బెదిరించి కారులో యువకున్ని ఎత్తుకెళ్లారు. సమాచారం తెలుసుకున్న పోలీసులు అతని జాడ కోసం వెతుకుతున్నారు.

జగిత్యాల మెహబూబాపురాలో ఆమెర్ అనే యువకున్ని గురువారం అర్ధరాత్రి కారులో వచ్చిన దుండగులు అపహరించుకుపోయారు. కారులో యువకుడి ఇంటికి చేరుకున్న నలుగురు వ్యక్తులు, ఓ మహిళ కత్తులతో బెదిరించి బలవంతంగా కారులో ఎత్తుకెళ్లారు.

బాధిత కుటుంబ సభ్యులు డయల్ 100కు ఫోన్​ చేయడంతో పోలీసులు ఘటన స్థలానికి చేరుకున్నారు. కిడ్నాప్​ను ఛేదించేందుకు అన్ని ప్రాంతాల్లో గాలిస్తున్నారు.

కోరుట్లకు చెందిన ఓ యువతి, జగిత్యాలకు చెందిన ఇర్ఫాన్ ఇద్దరూ గత కొంత కాలంగా ప్రేమించుకుంటున్నారు. వారిద్దరూ కనిపించకపోవడం వల్ల యువతికి సంబంధించిన వ్యక్తులు వచ్చి ఇర్ఫాన్ సోదరుడు ఆమెర్​ను కిడ్నాప్ చేసినట్లు భావిస్తున్నారు. ఇంకా పూర్తి వివరాలు తెలియాల్సి ఉంది.

ఇదీ చూడండి :బీచ్‌లో ముగ్గురు విద్యార్థులు గల్లంతు