దేశ వ్యాప్తంగా ఏడు రాష్ట్రాల్లో మోసాలకు పాల్పడుతోన్న అంతర్రాష్ట్ర ముఠా సభ్యులు ఇద్దరిని పట్టుకున్నట్లు కరీంనగర్ సీపీ కమలాసన్రెడ్డి పేర్కొన్నారు. బిహార్లోని భగల్‌పూర్‌ జిల్లాకు చెందిన ఆరిఫ్‌తో పాటు ముకేశ్ పాషాను అరెస్టు చేసినట్లు తెలిపారు. ఈ ముఠాకు చెందిన మరో ముగ్గురు పరారీలో ఉన్నట్లు వెల్లడించారు.
ఈ ముఠా పంజాబ్, హరియాణా, దిల్లీ, ఛత్తీస్‌గఢ్‌, మధ్యప్రదేశ్‌, ఆంధ్రప్రదేశ్‌తో పాటు మన రాష్ట్రంలోనూ దొంగతనాలకు పాల్పడింది. వృద్ధ మహిళలను లక్ష్యంగా చేసుకుని, వారి ఆభరణాలను మెరుగు పెడతామంటూ మోసం చేయడం ఆనవాయితీగా మార్చుకున్నారు.