Fake certificate gang burst : నకిలీ పత్రాలతో ఆధార్‌కార్డులు మార్చుతున్న ముఠాను హైదరాబాద్ పోలీసులు అరెస్టు చేశారు. గెజిటెడ్ అధికారుల పేరుతో నకిలీ స్టాంపులు తయారుచేసి... తప్పుడు సమాచారంతో ఆధార్‌కార్డులు మార్చుతున్న ఎనిమిది మందిని పోలీసులు అదుపులోకి తీసుకున్నారు. వీరు అసోం కేంద్రంగా ఈ వ్యవహారాలకు పాల్పడుతున్నట్లు పోలీసులు తెలిపారు.
ఇప్పటివరకు దాదాపు 3వేల తప్పుడు ఆధార్‌కార్డులను సృష్టించారని వివరించారు. ఈ కేసుపై మరింత లోతుగా విచారణ కొనసాగిస్తున్నామని స్పష్టం చేశారు. నిందితుల నుంచి నకిలీ పత్రాలు, ల్యాప్‌టాప్‌, స్టాంపులు స్వాధీనం చేసుకున్నారు.
నకిలీ సర్టిఫికెట్లతో ఆధార్ కార్డులు మార్చుతున్న ముఠా అరెస్టు