ఆంధ్రప్రదేశ్లోని కడప రవీంద్రనగర్‌లో ఓ వ్యక్తి తన భార్యను కిరాతకంగా నరికి హత్యచేశాడు. అడ్డుకోబోయిన మరో మహిళపైనా దాడి చేశాడు. రవీంద్రనగర్‌కు చెందిన దస్తగిరి, బీబీజాన్‌ దంపతులకు ముగ్గురు సంతానం. ఇటీవలే వారి కుమారుడు మృతిచెందాడు. అప్పటి నుంచి భార్యపై అనుమానం పెంచుకున్న దస్తగిరి... భార్యను వేధించేవాడని మృతురాలి సోదరి తెలిపారు.
ఈ ఉదయం భార్యభర్తల మధ్య వాగ్వాదం జరిగింది. ఈ క్రమంలో కత్తితో భార్యపై దాడిచేసిన దస్తగిరి. . దారుణంగా నరికి హతమార్చాడు. అడ్డుకోబోయిన మరదలిపైనా దాడిచేశాడు. ప్రస్తుతం ఆమె పరిస్థితి విషమంగా ఉంది. పోలీసులు ఘటనాస్థలాన్ని పరిశీలించారు. నిందితుడు పోలీస్‌స్టేషన్‌లో లొంగిపోయాడు.