మూడు కార్లు, ఓ ఆటోని ఢీకొట్టిన భారీ క్రేన్

జూబ్లీహిల్స్​లో ఓ భారీ క్రేన్ బీభత్సం సృష్టించింది. ఈనెల 26న జరిగిన ఈ ప్రమాదంలో మూడు కార్లు, ఓ ఆటోని ఢీకొట్టింది. సీసీటీవీలో ఈ దృశ్యాలు నమోదయ్యాయి.

హైదరాబాద్ జూబ్లీహిల్స్‌ పోలీస్ స్టేషన్‌ పరిధిలో ఓ భారీ క్రేన్‌ బీభత్సం సృష్టించింది. వేగంగా వచ్చిన ఆ వాహనం మూడు కార్లు, ఓ ఆటోను ఢీకొట్టింది. ఈ ఘటనలో ఓ వ్యక్తి తీవ్రంగా గాయపడ్డారు. ఈ ప్రమాదం ఈ నెల 26న సాయంత్రం జరిగినట్లుగా సీసీ కెమెరాల్లో రికార్డైంది.

బ్రేకులు ఒక్కసారిగా ఫెయిల్‌ కావడం వల్లే ఈ ఘటన జరిగినట్లు పోలీసులు ప్రాథమికంగా అంచనా వేశారు. కేసు నమోదు చేసి... క్రేన్‌ డ్రైవర్‌ రోహిత్‌ రెడ్డిని అదుపులోకి తీసుకున్నట్లు పోలీసులు తెలిపారు.

ఇదీ చదవండి:ధర్మాపూర్​ గ్రామ శివారులో లేగ దూడపై చిరుత దాడి