కరోనా సోకిందనే మనస్తాపంతో ప్రధానోపాధ్యాయుడి బలవన్మరణం

కరోనా సోకిన ఓ ప్రధానోపాధ్యాయుడు బలవన్మరణానికి పాల్పడ్డాడు. చెట్టుకు ఉరివేసుకుని ప్రాణాలొదిలాడు. ఈ ఘటన రంగారెడ్డి జిల్లా గొల్లపల్లిలో చోటుచేసుకుంది.

రంగారెడ్డి జిల్లా చేవేళ్ల మండలం గొల్లపల్లిలో విషాదం చోటుచేసుకుంది. కరోనా బారినపడిన ఓ ప్రధానోపాధ్యాయుడు చెట్టుకు ఉరి వేసుకొని ఆత్మహత్యకు పాల్పడ్డాడు.

గొల్లపల్లి గ్రామానికి చెందిన నర్సింలు అనే వ్యక్తి కమ్మెట ప్రభుత్వ పాఠశాలలో ప్రధానోపాధ్యాయుడిగా పని చేస్తున్నాడు. పది రోజుల క్రితం కరోనా పాజిటివ్​గా నిర్ధరణ అయింది. భార్య విడాకులు ఇవ్వడంతో ప్రస్తుతం ఒంటరిగా ఉంటున్నాడు. ఈ క్రమంలోనే మనస్తాపం చెందిన నర్సింలు ఉరి వేసుకుని బలవన్మరణానికి పాల్పడ్డాడు. తన తమ్ముడు, అన్నయ్య, వారి పిల్లలను జాగ్రత్తగా ఉండాలంటూ ఉత్తరం రాసి ప్రాణాలు విడిచాడు. విషయం తెలుసుకున్న కుటుంబసభ్యులు బోరున విలపించారు.