ఉత్తరప్రదేశ్‌లోని కాన్పూర్‌లో 19ఏళ్ల యువతిని రేప్‌ చేసి పదో అంతస్తు నుంచి తోసేశాడో మానవమృగం. తన వద్ద ఉద్యోగం చేస్తున్న యువతిని లైంగికంగా లొంగదీసుకొనేందుకు చేసిన ప్రయత్నం బెడిసికొట్టడంతో ప్రణాళిక ప్రకారం తన ఫ్లాట్‌కు రప్పించి ఈ దారుణానికి ఒడిగట్టాడు. తొలుత తమను తప్పుదారి పట్టించేందుకు ప్రయత్నించినప్పటికీ.. చివరకు నేరం అంగీకరించాడని పోలీసుల వెల్లడించారు.
ప్రతీక్‌ వైశ్‌ (40) అనే వ్యక్తి డెయిరీ నిర్వహిస్తున్నాడు. అతడి వద్ద బాధిత యువతి సెక్రటరీగా పనిచేస్తోంది. ఆమెపై కన్నేసిన ప్రతీక్‌.. మంగళవారం పని ఉందని చెప్పి బాధితురాలిని కల్యాణ్‌పూర్‌లోని తన ఫ్లాట్‌కు తీసుకెళ్లాడు. తనతో శారీరక సంబంధం పెట్టుకోవాలని బలవంతం చేశాడు. డబ్బు ఇస్తానని కూడా ఆశచూపాడు.. అయితే, అందుకు ఆమె నిరాకరించింది. దీంతో ఆమెపై అత్యాచారానికి పాల్పడినట్టు డిప్యూటీ పోలీస్ కమిషనర్‌ బీబీజీటీఎస్‌ మూర్తి వివరించారు.