హెచ్​సీయూ పీహెచ్​డీ విద్యార్థి ఆత్మహత్యాయత్నం.. ప్రేమ వ్యవహారమే కారణం!

హైదరాబాద్​ సెంట్రల్​ యూనివర్సిటీ పీహెచ్​డీ విద్యార్థి వసతి గృహంలో (HCU PhD STUDENT SUICIDE) విషం తాగి ఆత్మహత్యకు యత్నించాడు. ప్రేమ వ్యవహారమే.. బలవన్మరణ యత్నానికి కారణమని తెలుస్తోంది. కుటుంబ సభ్యుల ఫిర్యాదుతో గచ్చిబౌలి పోలీసులు దర్యాప్తు ప్రారంభించారు.

హైదరాబాద్​ గచ్చిబౌలి పోలీస్​స్టేషన్​ పరిధిలోని హెచ్​సీయూ (HYDERABAD CENTRAL UNIVERSITY)లో విషాదం నెలకొంది. పీహెడ్​డీ విద్యార్థి శివరమాచంద్రన్​ ఆత్మహత్యకు యత్నించాడు.

మహబూబ్​నగర్​ జిల్లాకు చెందిన శివ.. హైదరాబాద్​ సెంట్రల్​ యూనివర్సిటీలో పీహెచ్​డీ- తెలుగు మూడో సంవత్సరం చదువుతున్నాడు. ఇవాళ మధ్యాహ్నం వసతిగృహంలోని తన గదిలో విషం తాగి ఆత్మహత్యకు యత్నించాడు. గమనించిన తోటి విద్యార్థులు.. వెంటనే ఆస్పత్రికి తరలించారు.

పీహెచ్​డీ విద్యార్థి ఆత్మహత్యకు పాల్పడ్డానికి ప్రేమ వ్యవహారమే కారణమని తెలుస్తోంది. తన స్వగ్రామంలో ఓ యువతితో ప్రేమలో పడినట్లు సమాచారం. తెలుగు పరిరక్షణ కోసం శివ అనేక ఉద్యమాల్లో పాల్గొన్నట్లు సన్నిహితులు తెలిపారు. కుటుంబ సభ్యుల ఫిర్యాదుతో గచ్చిబౌలి పోలీసులు దర్యాప్తు ప్రారంభించారు.

ఇదీచూడండి:Cyber crimes Types: ఫెస్టివల్ ఆఫరా.. స్పెషల్ గిఫ్ట్ వచ్చిందా? కాస్త ఆలోచించండి!