Father harassment: కాపాడాల్సిన తండ్రే.. కుమారుడి పాలిట రాక్షసుడిగా మారాడు

Father harassment: అతనో న్యాయవాది. పదిమందికి న్యాయం చేయాల్సిన వృత్తిలో ఉండి తన పదేళ్ల కుమారుడిని చిత్రహింసలకు గురిచేస్తున్నాడు. కంటికి రెప్పలా కాపాడాల్సిన తండ్రే కుమారుడి పాలిట రాక్షసుడిగా మారాడు. అతని వేధింపులు భరించలేక భార్య వేరుగా ఉంటుంది. ఆమె మీద కోపం ఆ పిల్లాడి మీద చూపించాడు. ఈ అమానవీయ ఘటన సరూర్​నగర్ పోలీస్​స్టేషన్ పరిధిలో చోటుచేసుకుంది.

Father harassment: ఓ న్యాయవాది తన కనుపాపల పట్ల కర్కశంగా ప్రవర్తించాడు. పదేళ్ల కుమారుడిపై మానవత్వాన్ని మంటగలిపి చిత్రహింసలకు గురి చేశాడు. ఈ ఘటన సరూర్‌నగర్‌ డాక్టర్స్‌ కాలనీలో చోటుచేసుకుంది.

డాక్టర్స్‌ కాలనీకి చెందిన న్యాయవాది దేవులపల్లి సంతోషకుమార్​కు ఉమా మహేశ్వరితో వివాహమైంది. వీరికి ఇద్దరు కుమారులు ఉన్నారు. నాలుగేళ్ల క్రితం భార్యతో ఏర్పడిన తగాదాల నేపథ్యంలో వేర్వేరుగా ఉంటున్నారు. న్యాయస్థానం ఆదేశం మేరకు నాలుగు నెలల క్రితమే ఇద్దరు పిల్లలను తండ్రికి అప్పగించారు.

అప్పటినుంచి భార్యపై కోపాన్ని 10 ఏళ్ల వయసున్న కుమారుడిపై చూపించాడు. తండ్రి పెట్టే చిత్రహింసలు భరించలేని బాలుడు పారిపోయి తల్లి వద్దకు చేరుకున్నాడు. పిల్లవాడి ఒంటిపై ఉన్న గాయాలు చూసి ఉమా మహేశ్వరి తల్లడిల్లింది. బాధిత బాలుడిని తీసుకుని సరూర్‌నగర్‌ పోలీస్​స్టేషన్​లో ఫిర్యాదు చేసింది.

ఇదీ చదవండి:అమానవీయం.. కన్నకూతురినే కాటేసిన కామాంధుడు.. రెండో భార్య ఫిర్యాదుతో వెలుగులోకి..