గ్యాస్​ సిలిండర్ల లారీ బోల్తా... డ్రైవర్​కు స్వల్ప గాయాలు

ముందు వెళ్తున్న కంటైనర్​ను తప్పించబోయి... గ్యాస్​ సిలిండర్ల లారీ బోల్తాపడింది. ఈ ఘటన కామారెడ్డి జిల్లా టేక్రియాల్​ శివారులోని జాతీయ రహదారిపై జరిగింది. ఈ ప్రమాదంలో డ్రైవర్​కు స్వల్పగాయాలయ్యాయి. సిలిండర్లు బయటపడకపోవటం వల్ల పెను ప్రమాదం తప్పింది.

కామారెడ్డి జిల్లా టేక్రియాల్ గ్రామ శివారులోని 44వ జాతీయ రహదారిపై హెచ్పీ గ్యాస్ సిలిండర్ల లోడుతో వెళ్తున్న లారీ బోల్తా పడింది. ముందు వెళ్తున్న కంటైనర్​ను తప్పించబోయి... అదుపుతప్పిన లారీ బోల్తా పడింది. సిలిండర్​లు రోడ్డుపై పడకపోవడం వల్ల పెను ప్రమాదం తప్పింది. ఈ ఘటనలో లారీ డ్రైవర్​కు స్వల్ప గాయలయ్యాయి.

హైదరాబాద్ నుంచి గాంధారి వైపు వెళ్తుండగా ఈ ప్రమాదం జరిగింది. విషయం తెలుసుకున్న దేవునిపల్లి పోలీసులు ఘటనా స్థలానికి చేరుకొని పరిస్థితిని సమీక్షించారు. గాయపడిన డ్రైవర్​ను చికిత్స నిమిత్తం కామారెడ్డి ఏరియా ఆసుపత్రికి తరలించారు.

ఇదీ చూడండి:శంషాబాద్​లో రూ.1.3 కోట్ల విదేశీ కరెన్సీ స్వాధీనం