ఓ ఇంట్లో పేలిన సిలిండర్.. పక్కింట్లో నలుగురు మృతి

06:41 May 28

ఏపీలో ఇంట్లో గ్యాస్ సిలిండర్ పేలి పక్కింట్లో నలుగురు మృతి

Cylinder Blast in anantapur district : అనంతపురం జిల్లా సెట్టూరు మండలం ములకలేడు గ్రామంలో ఘోర ప్రమాదం చోటు చేసుకుంది. తెల్లవారుజామున 5 గంటల సమయంలో గ్యాస్ సిలిండర్ పేలింది. పేలుడు ధాటికి పక్కింటి పైకప్పు కూలి ముస్లిం కుటుంబానికి చెందిన నలుగురు ప్రాణాలు కోల్పోయారు.

సిలిండర్​ పేలిన ఇంట్లో ఇద్దరికి గాయాలయ్యాయి. తీవ్రంగా గాయపడిన ఇద్దరు కుటుంబసభ్యులను ఆసుపత్రి తరలించగా... మెరుగైన వైద్యం కోసం అనంతపురానికి తీసుకువెళ్లారు. ఈ ఘటనతో గ్రామంలో విషాదఛాయలు అలముకున్నాయి. విషయం తెలుసుకున్న స్థానికులు, పోలీసులు సహాయక చర్యలు చేపట్టారు. మృతులు దాదు(35), షర్ఫున(30), ఫిర్దోజ్(6), జైనుబి(60)గా పోలీసులు గుర్తించారు.

• ఇదీ చదవండి :వివాహేతర సంబంధాన్ని నిరాకరించిందన్న కోపంతో మహిళపై కత్తితో దాడి..