Gas Cylinder leakage in Bachupally: గ్యాస్​ సిలిండర్​ లీక్​... నలుగురికి గాయాలు

Gas Cylinder leakage in Bachupally : ఓ అపార్ట్​మెంట్​లో వంట గ్యాస్​ లీకై మంటలు అంటుకున్న ఘటనలో నలుగురు గాయపడ్డారు. ఈ ఘటన హైదరాబాద్​ బాచుపల్లి ఠాణా పరిధి కౌసల్య కాలనీలోని సుఖి అపార్ట్​మెంట్​లో జరిగింది.

Gas Cylinder leakage in Bachupally : హైదరాబాద్​ బాచుపల్లి పోలీస్ స్టేషన్ పరిధిలో కౌసల్య కాలనీలోని సుఖి 9 అపార్ట్​మెంట్​లో వంట గ్యాస్​ లీకయ్యి మంటలు అంటుకున్న ఘటనలో నలుగురు గాయపడ్డారు. అపార్ట్​మెంటులోని 1,608 ప్లాట్​లో వంటగ్యాసు లీకయ్యి మంటలు వ్యాప్తించాయి.

ప్రమాదంలో వినీత్​ (25), విష్ణు (20), దొంగరి ప్రదీప్​ (26), భార్గవ (26) గాయపడ్డారు. స్థానికుల సమాచారంతో ఘటనా స్థలికి చేరుకున్న పోలీసులు గాయపడిన వారిని నిజాంపేటలోని ఎస్​ఎల్​జీ ఆస్పత్రికి తరలించారు. వారిలో ఇద్దరి పరిస్థితి విషమంగా ఉందని పోలీసులు వెల్లడించారు. ఘటనపై కేసు నమోదు చేసుకుని దర్యాప్తు చేస్తున్నట్లు తెలిపారు.

ఇదీ చూడండి:Youth Gang War in LB Nagar : హైదరాబాద్​లో గ్యాంగ్ వార్.. యువకుడు మృతి