అల్లారుముద్దుగా పెంచుకుని తన ఆశయ సాధనలో పాలు పంచుకుంటున్న తనయుడు రోడ్డు ప్రమాదంలో మృతి చెందడంతో తట్టుకోలేని ఆ తండ్రి గుండె ఒక్కసారిగా ఆగిపోయింది. ఈ విషాద ఘటన నల్గొండ జిల్లా వేములపల్లి మండలం శెట్టి పాలెం శివారు వద్ద జరిగింది.
తడకమళ్ల గ్రామానికి చెందిన రైతు సంఘం జిల్లా సహాయ కార్యదర్శి గొర్ల ఇంద్రారెడ్డి కుమారుడు హైదరాబాద్‌లో ల్యాబ్‌ టెక్నీషియన్‌గా పనిచేసేవాడు. తండ్రి ఆశయ సాధనకోసం ఉద్యోగం వదిలి వ్యవసాయం చేయడం మొదలుపెట్టాడు. ఆదివారం సాయంత్రం తోట నుండి ద్విచక్రవాహనంపై ఇంటికి తిరిగి వెళ్తుండగా గుర్తుతెలియని వాహనం ఢీకొట్టి అక్కడికక్కడే ప్రాణాలు కోల్పోయాడు.