విద్యుదాఘాతంతో గిరిజన రైతు మృతి

వనపర్తి జిల్లా కదిరెపాడు శివారులో విద్యుదాఘాతంతో గిరిజన రైతు మృతి చెందారు. పొలానికి నీరు పెడుతుండగా ఈ ఘటన జరిగింది. మృతుడి కుటుంబ సభ్యుల ఫిర్యాదుతో కేసు నమోదు చేసుకున్నట్లు పోలీసులు తెలిపారు.

విద్యుదాఘాతంతో గిరిజన రైతు మృతి చెందారు. వనపర్తి జిల్లా పాన్‌గల్‌ మండలం కదిరెపాడు శివారులో సోమవారం ఈ ఘటన చోటుచేసుకుంది. నాగర్‌కర్నూల్‌ జిల్లా కోడేరు మండలం ఓప్పితండాకు చెందిన చంద్రునాయక్​కు వనపర్తి జిల్లా పాన్‌గల్‌ మండలం కదిరెపాడు శివారులో మూడెకరాల పొలం ఉంది. బోరు మోటారు నుంచి నీటిని గుంతలోకి ఎత్తిపోసి అక్కడి నుంచి పొలానికి తరలిస్తున్నారు. ఈ క్రమంలో స్టార్టర్‌ తీగ కాళ్లకు తగిలి విద్యుదాఘాతానికి గురై అక్కడికక్కడే మృతిచెందారు.

చంద్రునాయక్‌కు భార్య, ముగ్గురు కుమార్తెలు, ముగ్గురు కుమారులు ఉన్నారు. కుటుంబసభ్యుల ఫిర్యాదుతో కేసు నమోదు చేసి దర్యాప్తు చేస్తున్నట్లు ఎస్సై విజయభాస్కర్‌ పేర్కొన్నారు.

ఇదీ చదవండి:పిడుగుపాటుకు ఇద్దరు రైతులు మృత్యువాత..