Extramarital Affair: మెదక్ జిల్లాలో రెండు రోజుల క్రితం జరిగిన తల్లీకూతుళ్ల హత్యకేసును పోలీసులు ఛేదించారు. అందుకు సంబంధించిన వివరాలను మెదక్ ఎస్పీ రోహిణి ప్రియదర్శిని వెల్లడించారు. చేగుంట మండలం వల్లూరు గ్రామానికి చెందిన శంభుని యాదమ్మ ఆమె కూతురు సంతోష ఏప్రిల్ 10న చేగుంటకు షాపింగ్కు వెళ్లి ఇంటికి తిరిగి రాలేదు. దీంతో ఆమె భర్త పోలీస్స్టేషన్లో ఫిర్యాదు చేశారు. పోలీసులు మిస్సింగ్ కేసు నమోదు చేసి దర్యాప్తు చేపట్టారు.
ఏప్రిల్ 15న వడియారం అటవీ ప్రాంతంలో ఇద్దరు గుర్తు తెలియని మృతదేహాలు ఉన్నాయని పోలీసులకు స్థానికులు సమాచారం ఇచ్చారు. ఘటనా స్థలానికి చేరుకున్న పోలీసులు విచారణ జరపగా మృతులు యాదమ్మ ,సంతోషగా గుర్తించారు. నిందితుడుని పట్టుకునేందుకు దర్యాప్తు చేపట్టగా వడియారం గ్రామానికి చెందిన మరికింది నగేశ్పై అనుమానం కలిగింది. అదుపులోకి తీసుకొని విచారించంగా తానే హత్యచేసినట్లు ఒప్పుకున్నాడని ఎస్పీ రోహిణి ప్రియదర్శిని తెలిపారు.