Drugs Seized: హైదరాబాద్లోని లంగర్హౌస్లో గుట్టు చప్పుడు కాకుండా మత్తు పదార్థాలు అక్రమ రవాణా చేస్తున్న ఏడుగురిని ఏడుగురిని సౌత్ జోన్ టాస్క్ఫోర్స్ పోలీసులు అరెస్టు చేశారు. నిందితుల నుంచి సుమారు రూ. 10 లక్షల విలువైన 500 హాష్ ఆయిల్ బాటిల్స్, కారు, 6 చరవాణులు స్వాధీనం చేసుకున్నారు. వీరిపై కేసు నమోదు చేసుకున్న పోలీసులు దర్యాప్తు చేపట్టారు.
అరకు నుంచి తెచ్చారు... హైదరాబాద్లో అరెస్టు అయ్యారు... - మాదకద్రవ్యాలు సరఫరా చేస్తున్న ముఠా అరెస్టు
Drugs Seized: అధికారులు ఎన్ని దాడులు చేసినా మాదకద్రవ్యాల సరఫరాకు అడ్డుకట్ట వేయలేకపోతున్నారు. హైదరాబాద్ లంగర్హౌస్ పీఎస్ పరిధిలో డ్రగ్స్ స్మగ్లింగ్ చేస్తున్న ఏడుగురిని సౌత్ జోన్ టాస్క్ ఫోర్స్ పోలీసులు పట్టుకున్నారు. నిందితుల నుంచి మాదకద్రవ్యాలు, కారు, 6 సెల్ఫోన్లు స్వాధీనం చేసుకున్నారు.
Drugs Seized
పట్టుబడిన నిందితులలో ఏ1 సంజీవ్(28), ఏ2 మహేశ్(20)లు అరకు నుంచి మత్తుపదార్థాలు తీసుకొచ్చి లంగర్హౌస్లో ఉంటున్న ఏ3 రమేశ్(27), ఏ4 ప్రేమ్ కుమార్(25)లకు విక్రయించేవారు. వాళ్లు నగరంలోని యువకులకు అమ్మేవారు. దీంతో పక్కా సమాచారం అందుకున్న సౌత్ జోన్ టాస్క్ ఫోర్స్ అధికారులు, లంగర్హౌస్ పోలీసులు వారు డ్రగ్స్ అమ్ముతున్న ప్రాంతంపై దాడి చేశారు. విక్రయిస్తున్న నలుగురితో పాటు, ముగ్గురు వినియోగదారులను అరెస్ట్ చేశారు. వీరి వెనుక ఇంకెవరెవరు ఉన్నారనే దానిపై విచారణ చేపట్టారు. యువత ఈ మత్తు పదార్థాలకు బానిసలు కావొద్దని పోలీసులు విజ్ఞప్తి చేశారు. అదే విధంగా పిల్లలు ఎం చేస్తున్నారు, ఎక్కడకి వెళ్తున్నారు, ఎవరితో ఉంటున్నారనే విషయాలపై తల్లిదండ్రులు పూర్తి నిఘా ఉంచాలని కోరారు.
ఇవీ చదవండి:మహిళను అక్రమంగా నిర్బంధించారని జీఎస్టీ అధికారులపై కేసు