సైబర్ నేరాల నిరోధానికి 'దిల్‌సే' కార్యక్రమం

సాంకేతికత అభివృద్ధిని అడ్డు పెట్టుకొని.. నేరగాళ్లు చేసే సైబర్ మోసాలు రోజురోజుకు పెరిగిపోతున్నాయి. ఇలాంటి నేరాలకు చెక్ పెట్టేందుకు సైబరాబాద్ పోలీసు యంత్రాంగం డిజిటల్ లిటరసీ టూ సెక్యూర్ యూత్ (దిల్‌ సే ) పేరిట ఓ కార్యక్రమాన్ని రూపొందించింది.

రోజురోజుకు పెరిగిపోతున్న సైబర్ నేరాలపైన.. ప్రజల్లో అవగాహన తీసుకురావాల్సిన అవసరముందని సైబరాబాద్ సీపీ సజ్జనార్‌ పేర్కొన్నారు. నేరాల నిరోధానికి.. డిజిటల్ లిటరసీ టూ సెక్యూర్ యూత్ (దిల్‌ సే ) పేరిట ఓ కార్యక్రమాన్ని రూపొందించినట్లు తెలిపారు.

సొసైటీ ఫర్ సైబర్ సెక్యూరిటీ కౌన్సిల్ సహకారంతో నిర్వహించనున్న ఈ కార్యక్రమంతో కళాశాలలు, పాఠశాలల విధ్యార్థులకు.. సైబర్ భద్రతపై అవగాహన కల్పించనున్నట్లు సజ్జనార్‌ పేర్కొన్నారు. ఐటీ కంపెనీల్లో పనిచేసే 100మంది సైబర్ నిపుణులు ఇందులో భాగమవుతారని వివరించారు.

సైబరాబాద్ పరిధిలోనే గతేడాది 250శాతం సైబర్ నేరాలు పెరిగాయని సజ్జనార్​ తెలిపారు. మున్ముందు వాటిని అడ్డుకోపోతే చాలా నష్టపోవాల్సి వస్తుందని వివరించారు.

ఇదీ చదవండి:ఓటీపీ చెప్పమన్నారు.. ఉన్నదంతా దోచేశారు!