బాలికతో అసభ్యంగా ప్రవర్తించిన డాన్స్ మాస్టర్ అరెస్ట్

ఓ బాలికతో అసభ్యంగా ప్రవర్తించిన డాన్స్ మాస్టర్​ను అదుపులోకి తీసుకున్న ఘటన సికింద్రాబాద్ బోయిన్​పల్లి పోలీస్ స్టేషన్ పరిధిలో చోటుచేసుకుంది. పోక్సో చట్టం కింద కేసు నమోదు చేసుకుని దర్యాప్తు చేస్తున్నారు.

సికింద్రాబాద్​ బోయిన్​పల్లి పోలీస్​ స్టేషన్​ పరిధిలోని జూపిటర్​ కాలనీకి చెందిన సురేందర్ అనే డాన్స్ మాస్టర్.. అదే కాలనీలో అర్బన్​ వరల్డ్ డాన్స్ అకాడమీ నడుపుతున్నాడు. తన వద్ద డాన్స్ నేర్చుకునేందుకు వచ్చిన ఓ మైనర్ బాలికతో అసభ్యంగా ప్రవర్తించగా.. ఆమె తన తల్లిదండ్రులకు చెప్పింది.

ఈ విషయం తెలుసుకున్న బాలిక తల్లిదండ్రులు.. బోయిన్​పల్లి పీఎస్​లో డాన్స్ మాస్టర్​ సురేందర్​పై ఫిర్యాదు చేశారు. పోక్సో చట్టం కింద కేసు నమోదు చేసుకున్న పోలీసులు సురేందర్​ను అదుపులోకి తీసుకుని దర్యాప్తు చేస్తున్నారు.

• ఇదీ చదవండి :సీడీకేసు: హైకోర్టుకు మహిళ తండ్రి