ఫారెస్ట్ అధికారులకు కరోనా రోగుల జలక్

పోడు భూముల్లో డోజర్​లతో సాగు చేస్తున్నారనే సమాచారం అందుకున్న పోలీసులు ఘటనాస్థలానికి వెళ్లారు. డోజర్​లను స్వాధీనం చేసుకునేందుకు సిద్ధమయ్యారు. ఎదురించిన తండావాసులు విఫలమయ్యారు. అధికారులను ఎలా అయినా అక్కడి నుంచి పంపించేయాలనుకున్న తండా వాసులు ఆఖరు అస్త్రంగా కరోనా రోగులను రంగంలోకి దించారు.

మహబూబాబాద్​ జిల్లా బయ్యారం మండలం వెంకటాపురం శివారులోని సాంబ తాండ వాసులు... అటవీ ప్రాంతంలోని పోడు భూముల్లో డోజర్​లతో సాగు చేస్తున్నారు. సమాచారం అందుకున్న అటవీ శాఖ అధికారులు వెంటనే అక్కడకు వెళ్లారు. వారినుంచి డోజర్​లను స్వాధీనం చేసుకునేందుకు ప్రయత్నించారు.

ఎదురించిన తండా వాసులు విఫలమయ్యారు. చివరకు కరోనా పాజిటివ్​ వచ్చి హోమ్​ ఐసోలేషన్​లో ఉన్న బాధితులను తండా నుంచి ఘటనాస్థలానికి రప్పించారు. దీంతో భయపడిన అటవీ శాఖ అధికారులు, సిబ్బంది అక్కడి నుంచి వెనుదిరిగారు.

ఇదీ చూడండి:యమ డేంజర్‌: రోడ్లపై తిరుగుతున్న కొవిడ్ రోగులు..కారణం అదే..!