GANESH IMMERSION: గణేశ్​ నిమజ్జనంలో ఉద్రిక్తత.. రెండు వర్గాల మధ్య ఘర్షణ

మాస్కులు లేవు, భౌతిక దూరం పాటించింది లేదు. కరోనా నిబంధనలు ఉల్లంఘిస్తూ గణేశ్​ నిమజ్జనాని(GANESH IMMERSION)కి బయలుదేరారు. పోనీ ఆ కార్యక్రమమైనా సరిగా నిర్వర్తించారా అంటే అదీ లేదు. రెండు వర్గాల మధ్య చిన్నపాటి విషయంతో మొదలైన గొడవ.. కొట్లాటకు దారితీసింది. పోలీసులు అడ్డువచ్చినా వారికీ భయపడలేదు. సికింద్రాబాద్​ పరిధిలో ఈ ఘటన చోటుచేసుకుంది.

సికింద్రాబాద్ పరిధిలో గణేశ్​ నవరాత్రి ఉత్సవాల్లో ఉద్రిక్తత నెలకొంది. ఉత్సవాల్లో భాగంగా నిమజ్జనాని(GANESH IMMERSION)కి వెళ్తున్న రెండు వర్గాల మధ్య మాటలు ఘర్షణకు దారితీశాయి. సికింద్రాబాద్​ అంజయ్యనగర్​కు చెందిన వారు.. మంగళవారం రాత్రి వినాయకుని నిమజ్జనానికి స్థానిక హస్మత్​పేట్​ బోయిన్​ చెరువు వద్దకు వెళ్లారు. ఈ క్రమంలో ముందున్న మరో వాహనాన్ని తీయమన్నందుకు రెండు వర్గాల మధ్య వాగ్వాదం జరిగింది. మాటామాటా పెరిగి కొట్టుకునే వరకు దారితీసింది.

ఆ సమయంలో నిమజ్జనాన్ని పర్యవేక్షిస్తున్న అల్వాల్​ పోలీసులు.. ఘటనలో జోక్యం చేసుకుని వారిని నివారించే ప్రయత్నం చేశారు. అయినా గొడవ ఆగలేదు. దాడిలో పలువురికి గాయాలయ్యాయి. గొడవకు కారణమైన వారిపై చర్యలు తప్పవని పోలీసులు స్పష్టంచేశారు.

ఇదీ చదవండి:National Sample Survey: ఆ విషయంలో దేశంలోనే తెలంగాణ టాప్.. నేషనల్ సర్వే రిపోర్ట్!