Infant missing: ప్రభుత్వాస్పత్రిలో కలకలం.. పసికందు అదృశ్యం

Infant missing: ఏపీలోని చిత్తూరు ప్రభుత్వాస్పత్రిలో పసికందు అదృశ్యమైంది. చిన్నారి కనిపించకపోవడంతో తల్లిదండ్రులు ఆందోళనకు గురయ్యారు. పసికందు మాయంపై.. జాయింట్ కలెక్టర్ శ్రీధర్ విచారణకు ఆదేశించారు.

Infant missing: ఆంధ్రప్రదేశ్​లోని ప్రభుత్వాస్పత్రుల్లో వరుసగా చిన్నారుల అదృశ్యం కలకలం రేపుతోంది. విశాఖ కేజీహెచ్​లో పసికందు అదృశ్యం కేసు ఛేదించి 24 గంటలైనా గడవకముందే పోలీసులకు మరో సవాల్​ ఎదురైంది. చిత్తూరు ప్రభుత్వాస్పత్రిలో పసికందు అదృశ్యమైన ఘటన కలవరపెడుతోంది. చిన్నారి కనిపించకపోవడంతో తల్లిదండ్రులు ఆస్పత్రి ప్రాంగణంలో వెతికారు. ఎంత సేపటికీ నవజాత శిశువు కనిపించకపోవడంతో ఆందోళన చెందుతున్నారు.

సమాచారం అందుకున్న పోలీసులు ఘటనాస్థలికి చేరుకొని పరిశీలించారు. మరోవైపు ఈ ఘటనపై జేసీ శ్రీధర్‌ విచారణకు ఆదేశించారు.

ఇదీ చదవండి:హోలీ పేరుతో స్నేహితుని పట్ల సైకోయిజం.. బ్లేడ్​తో గాట్లు పెట్టి పైశాచికానందం..