లాటరీలో కారు గెలుచుకున్నారంటూ... ఐదు లక్షలు కాజేశారు

హలో మేడమ్... మీరు లాటరీలో కారు గెలుచుకున్నారు. వాహనం మీకు పంపించేందుకు కొంత డబ్బులు కడితే సరిపోతుంది అంటూ సైబర్​ నేరగాళ్లు ఓ మహిళ నుంచి రూ.5 లక్షలు కాజేశారు. ఇలాంటి ఘటనల పట్ల ప్రజలు అప్రమత్తంగా ఉండాలని సైబర్​ క్రైమ్ పోలీసులు సూచిస్తున్నారు.

హైదరాబాద్​ మెహిదీపట్నంకు చెందిన ఓ మహిళకు లాటరీలో కారు గెలిచారంటూ ఫోన్​ వచ్చింది. కారు డెలివరీ కోసం డబ్బులు కట్టాలంటూ తెలుపగా... మహిళ అంగీకరించింది. వివిధ ఛార్జీల పేరుతో నేరగాళ్లు మహిళ నుంచి ఐదు లక్షల రూపాయలు వసూలు చేశారు.

డబ్బులు పంపించినప్పటికీ కారు రాకపోవడంతో... ఆమె మోసపోయినట్లు గ్రహించింది. సైబర్​ క్రైమ్ పోలీసులను ఆశ్రయించింది. పోలీసులు కేసు నమోదు చేసుకుని దర్యాప్తు ప్రారంభించారు. ఇలాంటి సైబర్​ నేరగాళ్ల పట్ల అప్రమత్తంగా ఉండాలని సూచించారు.

ఇదీ చూడండి:పిడుగుపాటుకు ఇద్దరు రైతులు మృత్యువాత.. పొలం పనులు చేస్తూనే..!