ChamalaValasa Tractor Accident : ట్రాక్టర్​ బోల్తా.. 22 మందికి గాయాలు.. ఆరుగురి పరిస్థితి విషమం

ChamalaValasa Tractor Accident : ఆంధ్రప్రదేశ్​లోని విజయనగరం జిల్లా బొండపల్లి మండలం చామలవలస వద్ద ట్రాక్టర్‌ బోల్తా పడింది. ఈ ఘటనలో 22 మంది గాయపడ్డారు. ఆరుగురి పరిస్థితి విషమంగా ఉంది. సమాచారం అందుకున్న పోలీసులు ఘటనాస్థలికి చేరుకొని సహాయ చర్యలు చేపట్టారు.

ChamalaValasa Tractor Accident : ఏపీ విజయనగరం జిల్లా బొండపల్లి మండలం చామలవలస వద్ద ట్రాక్టర్ బోల్తా పడింది. ఈ ప్రమాదం జరిగిన సమయంలో ట్రాక్టర్‌లో 35 మంది ప్రయాణిస్తున్నారు. ప్రమాదంలో 22 మందికి గాయాలు కాగా.. ఆరుగురి పరిస్థితి విషమంగా ఉన్నట్లు తెలుస్తోంది.

ChamalaValasa Accident News : కిండాం అగ్రహారంలో వివాహానికి హాజరై తిరిగి వస్తుండగా ఈ ఘటన చోటుచేసుకుంది. క్షతగాత్రులు మెంటాడ మండలంలోని చింతాడవలస వాసులుగా గుర్తించారు. ప్రమాద సమాచారం అందుకున్న 108 సిబ్బంది సంఘటనా స్థలానికి చేరుకుని, క్షతగాత్రులను గజపతినగరం, విజయనగరం ఆస్పత్రులకు తరలించారు. వీరందరినీ మెరుగైన చికిత్స కోసం విశాఖ కేజీహెచ్​కు తరలించారు. క్షతగాత్రులల్లో చందక లక్ష్మి, చందక వరలక్ష్మి, సిరపురపు సత్యం, బొగుల సూర్యనారాయణ, చందక కన్నయ్య లతో పాటు మరొకరు ఉన్నారు. ప్రమాదంపై పోలీసులు కేసు నమోదు చేసుకుని దర్యాప్తు చేస్తున్నారు.

• ఇదీ చదవండి :Sangam Accident: లారీ ఢీకొని వాగులో ఆటో బోల్తా.. ఐదుగురు గల్లంతు, బాలిక మృతి