మాల్​లో కరోనా నిబంధనలు బేఖాతరు.. కేసు నమోదు

సంగారెడ్డి జిల్లా నారాయణఖేడ్ పట్టణంలోని ఓ షాపింగ్ మాల్​లో నిబంధనలను గాలికొదిలేశారు. భౌతిక దూరం పాటించకుండా ఎక్కువ మందిని లోపలికి అనుమతించారు. మాల్​లో ఆకస్మిక తనిఖీలు చేపట్టిన ఎస్సై... యజమానిపై కేసు నమోదు చేశారు.

సంగారెడ్డి జిల్లా నారాయణఖేడ్ పట్టణంలోని కొవిడ్ నిబంధనలు పాటించని ఓ షాపింగ్ మాల్​పై పోలీసులు కేసు నమోదు చేశారు. మాల్​లో ఎస్సై వెంకటరెడ్డి ఆకస్మిక తనిఖీలు చేపట్టారు. భౌతిక దూరం పాటించకుండా ఎక్కువ మందిని లోపలికి అనుమతించారని గుర్తించారు. నిబంధనలు ఉల్లంఘించినందుకు మాల్ యజమానిపై కేసు నమోదు చేసినట్లు వెల్లడించారు.

రోజూ అన్ని దుకాణాలు, హోటళ్లలో తనిఖీలు చేపడుతున్నట్లు తెలిపారు. కొవిడ్ నిబంధనలు పాటించకపోతే కేసులు నమోదు చేస్తామని హెచ్చరించారు.

ఇదీ చదవండి:'వారికి టీకాలు వేయాలంటే.. 122కోట్ల డోసులు అవసరం '