కల్వర్టును ఢీకొట్టిన కారు.. నలుగురికి తీవ్రగాయాలు

పెద్దపల్లి జిల్లా మంథని గ్యాస్ గోదాం వద్ద రోడ్డు ప్రమాదం జరిగింది. వేగంగా ప్రయాణిస్తున్న కారు కల్వర్టును ఢీకొట్టింది. ఈ ఘటనలో నలుగురికి తీవ్రగాయాలయ్యాయి.

వేగంగా ప్రయాణిస్తున్న ఓ కారు కల్వర్టును ఢీకొట్టి పక్కనే ఉన్న కెనాల్​లో పడిపోయిన ఘటన పెద్దపల్లి జిల్లా మంథని మండల కేంద్రంలోని గ్యాస్ గోదాం వద్ద జరిగింది. ఈ ప్రమాదంలో నలుగరు తీవ్రంగా గాయపడ్డారు. వారిలో ఇద్దరి పరిస్థితి విషమంగా ఉందని వైద్యులు తెలిపారు.

జిల్లాలోని మంథని మండలం కన్నాల గ్రామంలో దశదిన కర్మలో పాల్గొన్న నలుగురు వ్యక్తులు మంథనికి తిరుగుపయనమయ్యారు. ఈ క్రమంలో మంథని గ్యాస్ గోదాం వద్ద వారు ప్రయాణిస్తున్న కారు కల్వర్టును ఢీకొట్టింది. 50 ఫీట్ల దూరం పల్టీ కొట్టి పక్కనే ఉన్న కెనాల్​లో పడిపోయింది. ఈ ఘటనలో నలుగురికి తీవ్రగాయాలయ్యాయి. సమాచారం అందుకున్న పోలీసులు ప్రమాదస్థలానికి చేరుకుని క్షతగాత్రులను స్థానిక ప్రభుత్వ ఆసుపత్రికి తరలించారు. వారిలో ఇద్దరి పరిస్థితి విషమంగా ఉండడం వల్ల మెరుగైన వైద్య చికిత్సకోసం వారిని కరీంనగర్​లోని ఆసుపత్రికి తరలించామని ఎస్సై ఓంకార్​ యాదవ్​ తెలిపారు.

ఇదీ చదవండి:మిల్క్​షేక్​ దుకాణంలో అగ్నిప్రమాదం... 6 లక్షల మేర నష్టం!