అదుపు తప్పి కారు బోల్తా.. తప్పిన ప్రమాదం..!

కారు అదుపు తప్పి బోల్తా కొట్టిన ఘటన వరంగల్​ గ్రామీణ జిల్లాలో చోటుచేసుకుంది. ఈ ప్రమాదంలో కారులో ఉన్న వ్యక్తి స్వల్ప గాయాలతో బయటపడ్డాడు.

వరంగల్ గ్రామీణ జిల్లా నర్సంపేట మండలం ముత్తోజిపేట శివారులోని 365 జాతీయ రహదారిపై రోడ్డుప్రమాదం చోటుచేసుకుంది. కారు అదుపుతప్పి బోల్తాకొట్టింది. ప్రమాదంలో వర్ణం నర్సింహారెడ్డి అనే వ్యక్తికి స్వల్ప గాయాలయ్యాయి.

నర్సంపేట నుంచి నల్లబెల్లి వైపు వెళ్తుండగా భారీ వర్షం కారణంగా కారు అదుపుతప్పి బోల్తాకొట్టింది. కారులో నర్సింహారెడ్డి ఒక్కరే ఉండటంతో ప్రమాదం తప్పింది.