గంజాయి తరలించేందుకు యత్నం... ఇద్దరు యువకులు అరెస్ట్

హైదరాబాద్​కు గంజాయి తరలించేందుకు యత్నించిన ఇద్దరు యువకులను పోలీసులు అరెస్టు చేసిన ఘటన ఉట్నూర్ మండలంలో చోటు చేసుకుంది. కేసు నమోదు చేసి దర్యాప్తు ప్రారంభించినట్లు ఎస్సై సుబ్బారావు తెలిపారు.

ఆదిలాబాద్ జిల్లా ఉట్నూరు మండల కేంద్రంలోని ఆర్టీసీ బస్టాండ్​లో గంజాయిని పట్టుకున్నారు. నార్నూర్ మండలానికి చెందిన ఇద్దరు యువకులు ఆరు కిలోల గంజాయిని సంచిలో తీసుకొని హైదరాబాద్ తరలించేందుకు యత్నించారు. పోలీసులకు సమాచారం రావడంతో ఉట్నూర్ ఎస్సై బస్టాండ్​కి చేరుకున్నారు.

గంజాయి తరలిస్తున్న ఇద్దరు బస్సు ఎక్కేందుకు ప్రయత్నించారు. గమనించిన పోలీసులు వారిని అదుపులోకి తీసుకున్నారు. ఇద్దరు యువకులపై కేసు నమోదు చేసినట్లు ఎస్సై సుబ్బారావు తెలిపారు.

ఇదీ చూడండి:బడిలో తోటి విద్యార్థిపై మైనర్ కాల్పులు