సీఏ పాస్ కాలేదని విద్యార్థిని ఆత్మహత్య

హైదరాబాద్​ ఎస్సార్​నగర్ పోలీస్​స్టేషన్ పరిధిలో దారుణం చోటుచేసుకుంది. సీఏ పరీక్ష తప్పాననే మనస్తాపంతో ఓ విద్యార్థిని ఉరేసుకుని ఆత్మహత్యకు పాల్పడింది. కేసు నమోదు చేసిన పోలీసులు దర్యాప్తు చేస్తున్నారు.

సీఏ పరీక్ష తప్పాననే మనస్తాపంతో ఓ విద్యార్థిని ఉరేసుకుని ఆత్మహత్యకు పాల్పడిన ఘటన హైదరాబాద్​ ఎస్సార్​నగర్ పోలీస్ స్టేషన్ పరిధిలో చోటు చేసుకుంది. నిజామాబాద్ జిల్లా రామడుగుకు చెందిన కావ్య(21) తన సోదరి మానస, వరుసకు సోదరుడైన రమాకాంత్​తో కలిసి ఎస్సార్​నగర్​లోని శ్రీ వెంకటేశ్వర ఆలయం సమీపంలో అద్దెకుంటున్నారు. లక్ష్యా ఇన్సిట్యూట్​లో శిక్షణ పొందుతున్న కావ్య... ఆదివారం విడుదలైన ఫలితాల్లో తప్పింది.

తీవ్ర మనస్తాపానికి గురైన విద్యార్థిని గదిలో ఎవరు లేని సమయంలో ఫ్యాన్​కు ఉరేసుకుంది. కాసేపటి తర్వాత చూసిన సోదరుడు పోలీసులకు సమాచారం అందించాడు. ఘటనా స్థలికి చేరుకున్న పోలీసులు మృతదేహాన్ని పోస్టుమార్టం నిమిత్తం ఉస్మానియాకు తరలించారు. కేసు నమోదు చేసి దర్యాప్తు చేస్తున్నారు.

ఇదీ చూడండి: శంషాబాద్​లో రూ.1.3 కోట్ల విదేశీ కరెన్సీ స్వాధీనం