వ్యక్తి దారుణ హత్య... నిందితుడు అతనేనా?

చిక్కడపల్లి పోలీస్ స్టేషన్ పరిధిలో ఓ వ్యక్తి దారుణ హత్యకు గురయ్యాడు. మృతుని సమీప బంధువే ఈ హత్య చేసినట్లు పోలీసులు అనుమానిస్తున్నారు. కేసు నమోదు చేసి దర్యాప్తు ప్రారంభించారు.

హైదరాబాద్​లోని చిక్కడపల్లి పోలీస్​ పరిధిలో దారుణం చోటు చేసుకుంది. పంజాబ్​కు చెందిన సద్నాం సింగ్​ హైదరాబాద్​లోని చిక్కడపల్లి సూర్యనగర్​లో అద్దెకుంటున్నాడు. ఇటీవల అతని బంధువుతో కలిసి చిక్కడపల్లి కళాశాల సమీపంలో పంజాబీ ఫుడ్​ కోర్టు నిర్వహిస్తున్నాడు.

సద్నాం సింగ్​ భార్య బల్​జిత్​ కౌర్​ ఇంటికి వచ్చే సరికి రక్తం మడుగులో పడి ఉన్నాడు. వెంటనే ఆమె పోలీసులకు సమాచారం అందించగా... ఘటన స్థలానికి చేరుకొని సంబంధించిన సాక్ష్యాలను సేకరించారు. సద్నాం సింగ్​ సమీప బంధువే రెండు కత్తులతో గొంతు కోసి హత్య చేసినట్లుగా పోలీసులు అనుమానిస్తున్నారు. కేసు నమోదు చేసి దర్యాప్తు చేస్తున్నారు.

ఇదీ చూడండి:పని ప్రదేశాల్లో మహిళలపై వేధింపులు- ఆపేదెలా?