ఆంధ్రప్రదేశ్‌లోని గుంటూరు జిల్లా తాడేపల్లి మండలం మల్లెంపూడి గ్రామానికి చెందిన ఓ బాలుడు తప్పిపోయినట్లు బాలుడి కుటుంబసభ్యులు పోలీసులకు ఫిర్యాదు చేశారు. ఈ ఘటనపై పోలీసులు కేసు నమోదు చేసుకుని దర్యాప్తు చేపట్టగా.. ముళ్ల పొదల్లో బాలుడి మృతదేహం లభ్యమైంది. మృతదేహంపై తీవ్ర గాయాలుండటంతో హత్య జరిగినట్లు పోలీసులు అనుమానించారు.
గొంతు నులిమి హత్య...
ఈ క్రమంలో పోలీసులు విచారణ జరుపుతుండగా మల్లెంపూడికి చెందిన గోపి అనే యువకుడు బాలుడిని హత్య చేసినట్లు గుర్తించారు. దీంతో నిందితుడిని విచారించగా.. బాలుడిని అపహరించి, అసహజ శృంగారం జరిపి, గొంతు నులిమి హత్య చేసినట్లు అంగీకరించాడు.