మితిమీరిన వేగం.. తీసిన నిండు ప్రాణం

అతివేగానికి ఓ నిండు ప్రాణం బలైంది. యాదాద్రి భువనగిరి జిల్లాలో.. వేగంగా వచ్చిన బైక్, కారును ఢీ కొన్న ఘటనలో ఓ యువకుడు ప్రాణాలు విడిచాడు.

వేగంగా వచ్చిన బైక్.. కారును ఢీ కొన్న ఘటనలో ఓ యువకుడు అక్కడికక్కడే మృతి చెందాడు. ఈ ప్రమాదం.. యాదాద్రి భువనగిరి జిల్లా నందనం గ్రామ సమీపంలో జరిగింది. భువనగిరికి చెందిన మహేందర్, సందీప్​లు బైక్​పై వలిగొండ వైపునకు బయలుదేరారు. నందనం గ్రామ శివారు వద్ద ఎదురుగా వస్తున్న కారును మితిమీరిన వేగంతో వెళ్లి ఢీ కొట్టారు. ఘటనలో సందీప్ అక్కడిక్కడే ప్రాణాలు విడువగా.. మహేందర్​ తీవ్ర గాయాల పాలయ్యాడు.

స్థానికులు.. క్షతగాత్రుడిని జిల్లా ప్రభుత్వాసుపత్రికి తరలించారు. ఘటనపై కేసు నమోదు చేసుకున్న పోలీసులు.. దర్యాప్తు చేపట్టారు.

ఇదీ చదవండి:కృష్ణా నదిలో యువకుడి గల్లంతు