Cell Phones Theft Gang arrest: హైదరాబాద్ బంజారాహిల్స్‌లో ద్విచక్రవాహనంపై తిరుగుతూ వరుసగా సెల్ఫోన్లు లాక్కెళ్లిన నలుగురు నిందితులను పోలీసులు అరెస్టు చేశారు. సెల్ఫోన్ల దొంగతనాలు జరిగిన వెంటనే తీవ్రంగా పరిగణించి నిందితులను పట్టుకున్నామని పశ్చిమ మండలం డీసీపీ జోయెల్ డేవిస్ తెలిపారు. ఒక్కరోజులోనే 3 పీఎస్ల పరిధిలో దుండగులు సెల్ఫోన్లు ఎత్తుకెళ్లినట్లు పేర్కొన్నారు. నిందితుల నుంచి 9 సెల్ఫోన్లు స్వాధీనం చేసుకున్నట్లు వివరించారు.
"సీసీ కెమెరాల సహాయంతో 48 గంటల్లోనే నిందితులను గుర్తించాం. బంజారాహిల్స్లోని సింగాడికుంటకు చెందిన నలుగురిని అరెస్ట్ చేశాం. మా పీఎస్ పరిధిలో చోరీకి గురైన 6 సెల్ఫోన్లను స్వాధీనం చేసుకున్నాం. అదేవిధంగా గతంలో రాయదుర్గం పరిధిలోనూ 3 సెల్ఫోన్ల కేసులో వీళ్లు నిందితులుగా ఉన్నారు. వాటిని కూడా స్వాధీనం చేసుకున్నాం." - జోయెల్ డేవిస్, హైదరాబాద్ వెస్ట్జోన్ డీసీపీ