Attack on Young woman: మహిళపై కత్తులతో దాడి... చనిపోయిందనుకుని..!

Attack on Young woman: ఆంధ్రప్రదేశ్​లోని తిరుపతి జిల్లాలో దారుణం చోటుచేసుకుంది. గుర్తతెలియని దుండగులు ఓ మహిళపై కత్తులతో దాడి చేసి.. అటవీ ప్రాంతంలో వదిలి వెళ్లిపోయారు. సమాచారం అందుకున్న పోలీసులు.. మహిళను చికిత్సకోసం బాధితురాలిని తమిళనాడు తరలించారు.

Attack on Young woman: ఆంధ్రప్రదేశ్​లోని తిరుపతి జిల్లాలో దారుణం చోటుచేసుకుంది. జిల్లాలోని దొరవారిసత్రం మండలంలో మహిళపై దుండగులు కత్తులతో దాడి చేశారు. మహిళ తల, చేతులపై తీవ్ర గాయాలు చేశారు. మహిళ పరిస్థితి విషమంగా ఉందని వైద్యులు తెలిపారు. దొరవారిసత్రం మండలం మినమలమూడి అటవీ ప్రాంతంలో ఘటన చోటుచేసుకుంది.

స్థానికులు.. పోలీసులకు సమాచారం అందించగా ఘటనాస్థలాన్ని పోలీసులు పరిశీలించారు. మహిళ చనిపోయిందనుకొని అటవీ ప్రాంతంలో దుండగులు వదిలి వెళ్లినట్లు పోలీసులు అనుమానం వ్యక్తం చేస్తున్నారు. చికిత్స కోసం బాధితురాలిని తమిళనాడుకు తరలించారు. బాధితురాలు తమిళనాడు వాసిగా పోలీసులు గుర్తించారు. నిందితుల కోసం పోలీసులు ముమ్మరంగా గాలిస్తున్నారు.

ఇవీ చదవండి: