బహిరంగ ప్రదేశంలో మద్యం తాగొద్దన్నందుకు విశ్రాంత ఎక్సైజ్ ఎస్ఐపై దాడి

Attack on retired Excise SI: కొంత మంది యువతకి మంచి మాటలు చేప్పినా పెడచెవిన పెడుతుంటారు. మరికొంత మంది తమకు అవసరం లేదు తన పని తనని చూసుకో అంటుంటారు. అలానే నిజామాబాద్​ జిల్లాలోని విశ్రాంత ఎక్సైజ్ ఎస్ఐ మద్యం తాగవద్దని అన్నందుకు అతనిపై ఆ యువకులు దాడి చేశారు.

Attack on retired Excise SI: నిజామాబాద్‌లో విశ్రాంత ఎక్సైజ్ ఎస్ఐపై ఓ కార్పొరేటర్ భర్త, ఆమె కుమారుడు, అతని స్నేహితులు దాడికి పాల్పడ్డారు. నగరంలోని ఆర్యనగర్​లో మద్యం తాగొద్దని అన్నందుకు విశ్రాంత ఎక్సైజ్ ఎస్ఐపై 48వ డివిజన్ కార్పొరేటర్ వనిత భర్త శ్రీనివాస్, అతని కుమారుడు, స్నేహితులు దాడి చేశారు. వినాయక్​నగర్​కు చెందిన లక్ష్మణ్ నాయక్ ఆర్యనగర్​లో కొంతమంది యువకులు రోడ్డుపై మద్యం తాగుతుండగా ప్రశ్నించాడు. బహిరంగ ప్రదేశంలో మద్యం తాగొద్దని వెళ్లిపోవాలని సూచించాడు.

అయితే తాను కార్పొరేటర్ కొడుకునంటూ ఓ యువకుడు చెప్పాడు. వెంటనే తన తండ్రికి సైతం ఫోన్ చేశాడు. అక్కడికి చేరుకున్న కార్పొరేటర్ భర్త శ్రీనివాస్, కుమారుడు అతని స్నేహితులతో కలిసి లక్ష్మణ్ నాయక్​పై కర్రలతో దాడి చేశారు. లక్ష్మణ్ నాయక్ తీవ్ర గాయాలతో కింద పడిన తర్వాత వాళ్లు అక్కడి నుంచి వెళ్లిపోయారు. స్థానికులు గమనించి నిజామాబాద్ ప్రభుత్వ ఆస్పత్రికి తరలించి చికిత్స అందించారు. ఘటనపై పోలీసులకు బాధితుడు ఫిర్యాదు చేయగా.. దాడికి పాల్పడ్డ శ్రీనివాస్, ఇతరులపై నాలుగో పట్టణ పోలీసులు కేసు నమోదు చేశారు.

నా వెంచర్​ చూసేందుకు వెళ్తే మార్గం మధ్యలో ముగ్గురు యువకులు మద్యం తాగుతూ ఉన్నారు. వారిని ఇక్కడ ఎందుకు అల్లరి చేస్తున్నారు అని మందలించాను. దానికి నన్ను కొట్టడానికి ప్రయత్నం చేశారు. నేను విశ్రాంత ఎక్సైజ్​ని అని చెప్పాను. మేము ఎవరో తెలుసా అన్నారు. మీరు ఎవ్వరైనా వెళ్లిపోండి అన్నాను. దానికి నేను 48వ డివిజన్​ కార్పొరేటర్​ కొడుకుని అని ఒక యువకుడు చెప్పి, వాళ్ల నాన్నకు ఫోన్ చేశాడు. వెంటనే వాళ్ల నాన్న వచ్చాక.. అందరూ నాపై దాడి చేశారు. -లక్ష్మణ్ నాయక్, బాధితుడు, విశ్రాంత ఎక్సైజ్ ఎస్ఐ

విశ్రాంత ఎక్సైజ్ ఎస్ఐపై దాడి

ఇవీ చదవండి: