రెచ్చిపోయిన పోకిరీలు.. వ్యక్తిపై బ్లేడ్​తో దాడి

ఓ దాడిని అడ్డుకునేందుకు వెళ్లగా.. అతనిపై బ్లేడ్​తో దాడికి దిగారు కొందరు పోకిరీలు. ఈ ఘటన జగద్గిరిగుట్ట పరిధిలో చోటుచేసుకుంది.

మేడ్చల్ జిల్లా జగద్గిరిగుట్ట పోలీస్​స్టేషన్​ పరిధి ఎల్లమ్మబండ పీజేఆర్​నగర్​లో పోకిరీలు రెచ్చిపోతున్నారు. రవి అనే వ్యక్తిని నలుగురు పక్కకాలనీ వాసులు దాడి చేశారు. ఆపేందుకు వెళ్లిన అర్జున్​ అనే వ్యక్తిపై పోకిరీలు బ్లేడుతో దాడికి దిగారు.

అర్జున్ పొట్టభాగంలో గాట్లు పడగా.. రక్తస్రావం కావడంతో.. స్థానికులు ప్రైవేటు ఆసుపత్రికి తరలించారు. గాయపడ్డ అర్జున్ ఆటో డ్రైవర్​ అని పోలీసులు తెలిపారు. దాడికి పాల్పడ్డ వారిలో ఒకరు సన్ని అనే వ్యక్తిని పోలీసులు అదుపులోకి తీసుకున్నారు. ఘటనపై కేసు నమోదు చేసుకుని దర్యాప్తు చేస్తున్నారు.

• ఇదీ చదవండి:అనుమానంతో భార్యను అతికిరాతకంగా చంపిన భర్త!