గొర్రెల కొట్టంపై వీధి కుక్కలు దాడి చేయడంతో 25 మూగ జీవాలు మృతి చెందాయి. కామారెడ్డి జిల్లా లింగంపేట్ మండలం పోల్కంపేటలో గొర్రెల కొట్టంపై మంగళవారం అర్ధరాత్రి వీధి కుక్కలు దాడి చేసి... గడ్డి లింగంకు చెందిన 20 గొర్రెలు, ఐదు మేకలను చంపేశాయి.
గడ్డి లింగం రోజువారీ మాదిరి గానే గొర్రెలు, మేకలను కొట్టంలో కట్టివేశాడు. కొట్టంలో కుక్కల చప్పుడు రావడంతో... రాత్రి ఒంటి గంట సమయంలో కొట్టంలోకి వెళ్లి చూడగా కుక్కల దాడిలో గొర్రెలు, మేకలు మృతిచెంది పడి ఉన్నాయి. ఘటనలో సుమారు 2,50,000 రూపాయల నష్టం వాటిల్లిందని బాధితుడు తెలిపాడు. ప్రభుత్వం ఆదుకోవాలని ఆయన కోరాడు.