Ambulance Theft: రంగారెడ్డి జిల్లా హయత్నగర్ ఎమ్మార్వో ఆఫీస్ ప్రాంగణంలో పార్క్ చేసిన 108 అంబులెన్స్ను మంగళవారం అర్ధరాత్రి ఓ వ్యక్తి చోరీ చేశాడు. వాహనం దొంగతనానికి గురైందని గమనించిన సిబ్బంది పోలీసులకు సమాచారం అందించారు. వాహనానికి ఉన్న జీపీఎస్ ఆధారంగా నల్లగొండ జిల్లా తిప్పర్తి సమీపంలో అంబులెన్స్ ఉందని పోలీసులు గుర్తించారు. దీంతో సమీపంలోని టోల్గేట్ సిబ్బందిని అప్రమత్తం చేశారు.
నిన్న మధ్యాహ్నం అంబులెన్స్ను గుర్తించిన పోలీసులు నిందితుడిని అదుపులోకి తీసుకున్నారు. ఈ ఘటనపై కేసు నమోదు చేసి దర్యాప్తు చేపట్టారు. కాగా అంబులెన్స్ డ్రైవర్, సిబ్బంది నిర్లక్ష్యం కారణంగానే అంబులెన్స్ చోరీకి గురైనట్లు పోలీసులు గుర్తించారు.